"Ота жасалуы мүмкін". СҚО-да 12 адамды үсік шалды
!["Ота жасалуы мүмкін". СҚО-да 12 адамды үсік шалды](/userdata/news/news_96830/image_l.jpg)
Солтүстік Қазақстан облысында аяз басталғалы 12 адамды үсік шалды, - деп хабарлайды Massaget.kz тілшісі 24.kz-ке сілтеме жасап.
Дәрігерлердің сараптамасынан кейін олардың 5-і ауруханаға жатқызылды. Суықта дала кезіп, қатты тонып қалғанның көбі аяқ-қолын үсіріп алған. Қазір науқастар медицина қызметкерлерінің бақылауына алынды. Кейбіріне ота жасалуы мүмкін.
Өңірде бір аптадан бері аяздың беті қайтар емес. Ауа температурасы кей жерлерде 35-40 градусқа дейін төмендеді. Ақ халаттылар жылы киініп, қауіпсіздік шараларын қатаң сақтауға кеңес береді.
"Аязды күні жолға шығып, көлігі сынған азаматты үсік шалды. Бұл тізімде мал іздеп, ермек үшін балыққа барғандар, ішімдік ішкендер және тұрғылықты мекенжайы жоқ адамдар да бар. Қазір ауруханаға жатқызылған науқастар ем қабылдап жатыр", - деді қалалық көпбейінді аурухананың баспасөз хатшысы Екатерина Белоусова.
Қызықты жаңалықтар мен видеоларды көру үшін TikTok арнамызға жазылыңыз!
С. Бөлек