Өскемен әкімі қызметінен кететінін мәлімдеді

Өскемен әкімі Жақсылық Омар қала әкімі қызметінен кететінін мәлімдеді, - деп хабарлайды Massaget.kz тілшісі.

Ол бұл қызметке 2018 жылы тағайындалған болатын. Жақсылы Омар әлеуметтік желідегі парақшасында қызметінен кету себебін түсіндірді.

Посмотреть эту публикацию в Instagram

Публикация от Жаксылык Омар (@zhaksylyk_omar)

"Қымбатты өскемендіктер! Алты жыл деген аз уақыт емес, көп те уақыт емес. Осы аралықта сіздермен бірге қаланың ыстығына күйіп, суығына тоңып, шама-шарқымыз келгенше қызмет атқардық. Ұзақ сөйлемей, қысқаша қайырып айтатын болсам, қала басшысы лауазымындағы қызметім тәмамдалып жатыр. Әр нәрсенің өз уақыты бар. Өз басым осынау көрікті шаhар - Өскемен тұрғындарына, яғни сіздерге, ел басшылығына маған сенім білдіргендеріңіз үшін ризашылығымды айтқым келеді", - деді ол.

Жақсылық Омар - 1980 жылы 28 қыркүйекте Алматы облысы Алакөл ауданы Үшарал ауылында дүниеге келген. 2001 жылы Абай атындағы Алматы мемлекеттік университетін тәмамдаған.

2001-2004 жылдары Мәдениет, ақпарат және қоғамдық келісім министрлігінде;

2004-2007 жылдары Мәдениет министрлігінде;

2007-2009 жылдары "Қазақстан" республикалық телерадиокорпорациясы" АҚ-ында;

2009-2009 жылдары "Арна медиа" ұлттық ақпараттық холдингі" АҚ-ында;

2009-2010 жылдары Шығыс Қазақстан облысы әкімінің көмекшісі болып қызмет етті.

2010-2011 жылдары Шығыс Қазақстан облысы ішкі саясат басқармасы бастығының орынбасары, бастығы;

2011-2013 жылдары Шығыс Қазақстан облысы мәдениет басқармасының бастығы;

2013-2016 жылдары Шығыс Қазақстан облысы әкімінің орынбасары лауазымын атқарды.

2016-2018 жылдары Алматы облысы әкімінің орынбасары болды.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!