“Орда“ тобы сахнамен қош айтысатынын мәлімдеді

Әнші Дастан Оразбеков 2025 жылдың ақпан айында "Орда" тобының қоштасу концерті болатынын мәлімдеді, - деп хабарлайды Massaget.kz тілшісі.

Әнші бұл туралы Revue news бағдарламасында айтты.

"Тарайтын кез келді", - деді әнші, топтың мүшесі Дастан Оразбеков. 

Ол "Орда" тобы 2025 жылдың ақпан айында Қазақстанның бірнеше өңіріне гастрольге шығатынын айтты. Ал Алматыда 25 жылдық қоштасу концерті болмақ.

"Бұл - "Орданың" соңғы туры", - деді топ мүшесі Дастан Оразбеков. 

Топ тараса да, Оразбеков жеке шығармашылығын жалғастыра бермек. Оның сөзінше, топтың басқа мүшелері де өнерден қол үзбейді. 

Айта кетейік, "Орда" тобы - алғаш рет 2000 жылы "Бауыржан шоу" әзіл-ысқақ театрының сахнасында өнер көрсеткен. Әуелде топ бес адамнан құралған.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!