Ораза-2024: азық-түлік бағасын төмендету ұсынылды
![Ораза-2024: азық-түлік бағасын төмендету ұсынылды](/userdata/news/news_102751/image_l.jpg)
Биыл Рамазан айы 11 наурызда басталып, 9 сәуірге дейін жалғасады. Бұл туралы Алматының Өңірлік коммуникациялар қызметінің брифингінде Қазақстан мұсылмандары діни басқармасының (ҚМДБ) өкілдері айтты, - деп хабарлайды Massaget.kz тілшісі.
Қазақстан мұсылмандары діни басқармасының Наиб мүфтиі Кенжәлі Қоңыратбайұлы ортақ пәтуаға сәйкес қасиетті Рамазан айы 11 наурызда басталатынын атап өтті. Сондай-ақ, ол кәсіпкерлерге Бас мүфтидің әлеуметтік маңызы бар тауарлар мен азық-түлік өнімдеріне бағаны төмендету туралы өтініштерін еске салды.
"Еліміздің Бас мүфти Наурызбай қажы Тағанұлы барлық отандастарды қасиетті ай кезінде мешіттерде өткізілетін "Рамазан қоржыны", "Рамазан сыйы","Рамазан тәттісі","Жомарт жұма" сияқты қайырымдылық акцияларына өз үлестерін қосуға шақырды. Кәсіпкерлерді әлеуметтік маңызды азық-түлік өнімдерінің бағасын барынша төмендетуге шақырамыз. Барлық алматылық кәсіпкерлерді жақсылықтың хабаршысы болуға шақырамыз", - деді ол.
Наиб мүфти жылдық астарды кешкі ас кезінде өткізген дұрыс екенін ерекше атап өтті. Сондай-ақ, ол мұсылмандар үшін қасиетті Рамазан айында ораза ұстаудан саяхатшылар, психикалық науқастар, қарттар, аурудан зардап шегетін адамдар, жүктілік және лактация кезеңіндегі әйелдер босатылатынын еске салды.
"Адамдар егде жастағы немесе ауыр ауруға байланысты ораза ұстаудан босатылады. Бұл жағдайда төлем түрінде өтеу қарастырылған - підия, оның мөлшері биыл 3400 теңгені құрайды. Осы мөлшерде підияға ақы төлеу мүмкіндігі болмаған жағдайда, қайырымдылық көлемімен де беруге болады", - деп түсіндірді наиб мүфти.
Өзекті жаңалықтарды өз уақытында оқу үшін Facebook парақшамызға жазылыңыз!
А. Жайыққызы