Ораза - 2024. Ауырған адамның ораза ұстауына бола ма?

2024 жылы Рамазан айы 11 наурызда басталады. Осыған орай, Muftyat.kz науқас адамның оразасына қатысты жиі қойылатын сұрақтарға жауап берді, - деп хабарлайды Massaget.kz тілшісі.

Оразаның себебінен ауру асқынып кететін болса немесе баяу жазылатын болса, ораза тұтпауға болады. Тіпті аузын ашпаған жағдайда көзі қатты ауырса немесе ыстығы көтерілсе, оразаны бұзуға рұқсат етіледі. Сондай-ақ, науқас төсек тартып жатып қалса, тұрып намаз оқуға шамасы келмей қалса да аузын ашуға болады. Әрине бұл жерде тәжірибеге немесе білікті дәрігердің нұсқаулығына жүгінеді. Емделіп болғаннан кейін ұстай алмаған оразасының қазасын өтейді. Алла Тағала Құранда былай дейді: 

"Сонда сендерден кім ауру немесе жолаушы болса, басқа күндерде өтесін".

Алайда рамазан айында аурудың барлық түріне ауыз ашуға рұқсат етіле бермейді. Кейде ораза ұстау науқастың дертіне шипа болуы мүмкін. Өйткені ораза ұстаудың көптеген ауруларға ем болатыны ғылыми тұрғыда дәлелденген.

Оқи отырыңыз: Ораза ұстағанда ескеретін жайттар. Дәрігер кеңесі