Оралдық тоғыз жастағы футболшы Испания клубымен келісімшартқа отырды
![Оралдық тоғыз жастағы футболшы Испания клубымен келісімшартқа отырды](/userdata/news/news_71100/image_l.png)
Орал қаласының тұрғыны 9 жастағы оқушы Назар Доля Испанияның Levante кәсіпқой футбол клубының академиясында өткен сынақтан сәтті өтті. Енді ол жыл бойы кәсіпқой футболшылармен бір алаңда жаттығатын болады, - деп хабарлайды "Уральская Неделя" тілшісі.
Назар футбол сынағынан Global Football Total Levante UD академиясының базасында өтті.
"Академия шарттарына сәйкес, сол кезде сегіз жастағы Назар бір апта бойы жабық академияда, әжесінен жырақта, басқа тілде сөйлейтін, басқа тамақ жейтін адамдардың арасында өткізуге мәжбүр болды. Сол кезде де көп бала күйзеліске ұшырап, жақсы нәтиже көрсете алмай қалады. Назар шаршағанын немесе үйге қайтқысы келетінін бір сәтке көрсетпей, бүкіл сынақ кезеңінен батылдық танытты. Ол алаңға шыққанда футбол ойнап, гол соғады. Мұны ол жақсы істейді", - дейді анасы.
Алғашқы екі күндік сынақтан кейін клуб үйлестірушісі "бүгіннен бастап бұл балаға төрт көзбен қарайтын боламыз" деген. Бір күннен кейін басшылық Назардың ойынын тамашалап, келесі күні клуб үйлестірушілері Назардың ата-анасымен байланысып, келіссөзге шақырған.
FIFA ережелеріне сәйкес, 18 жасқа толмаған ойыншылармен клубтар ақшалай келісімшартқа отыра алмайды. Бірақ Barcelona, Real Madrid, Levante сияқты клуб академиялары ойыншыға қызығушылық танытса, оның жаттығулары мен жабдықтарына демеушілік жасай алады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек