Оралдық қыз үйдегі жанжалдың кесірінен көпірден секірмек болды

15 наурыз 2024, 22:20

Оралда патрульдік полиция көпірден секірмекші болған қызды құтқарып қалды , - деп хабарлайды Massaget.kz тілшісі.

Полиция қызметкерлері Дамир Казиханов пен Мирас Каримоллин түнгі патрульдеу кезінде көпір қоршауынан секірмекші болған қызды байқап қалады.

Полицейлер шапшаңдық танытып, қас-қағым сәтте қарғып кете жаздаған қызды құтқарып үлгерді.

"Мұндай әрекетке үйдегі жанжал итермелеген. Қазір оның жағдайы жақсы және туыстары қолдау көрсетіп жатыр", - деп хабарлады полиция.