Оралда скутер шақыртуға асығып бара жатқан өрт сөндіру көлігіне соғылды

Оралда Сарайшық пен Мұхит көшелерінің қиылысында скутер мен өрт сөндіру көлігі соқтығысты, – деп хабарлайды Massaget.kz тілшісі "Мой город" порталына сілтеме жасап.

Батыс Қазақстан облысы төтенше жағдайлар департаменті бастығының орынбасары Жанболат Жаншиннің айтуынша, №5 өрт сөндіру бекетінің көлігі шақыртуға асығып бара жатқан.

Фото: t.me/mgorod_kz

"Жүргізушілер мен куәгерлердің айтуынша, біздің көлігіміз бағдаршамның қызыл түсіне өтіп кеткен, өйткені олар шам мен сиренаны қосқан. Көліктің бәрі өткізген, мопед бір жақтан шыға келген, жоғары жылдамдықпен көлігімізге бүйірінен келіп соғылды. Мопед жүргізушісі ауруханаға жеткізілді, диагнозы бізге әлі белгісіз", – деді Жаншин.

Фото: t.me/mgorod_kz

Аптаның басты оқиғалары мен пайдалы видеоларды көру үшін YouTube арнамызға жазылыңыз