Оралда жантүршігерлік жол апатынан сегіз адам қаза тапты
![Оралда жантүршігерлік жол апатынан сегіз адам қаза тапты](/userdata/news/news_69493/image_l.png)
Оралдағы айналма жолда жол апаты болып, сегіз адам қаза тапты. Қаза болғандардың арасында екі бала бар, - деп хабарлайды "Мой ГОРОД".
Жол апаты 18 шілдеде сағат 02.45-те VenOil жанармай бекетіне қарама-қарсы жерде болған. Орал қалалық Полиция басқармасы жергілікті полиция бөлімі бастығының орынбасары Константин Непекиннің айтуынша, Nissan (көлікте тек жүргізуші болған) мен Lada (көлікте бес ересек және екі бала болған) көліктері соқтығысқан.
"Nissan жүргізушісі қарсы қозғалыс жолағына шығып кетіп, Lada-мен соқтығысқан. Оқиға орнында бес адам қаза болды, үшеуі ауруханаға түсті", - деді капитан Недопекин.
Кейінірек ауруханада Nissan жүргізушісі, 10 және 13 жастағы екі бала да қаза болғаны хабарланды.
Оқиға орнында полицейлер жол апатының себебі мен мән-жайын анықтап, жұмыс істеп жатыр.
Ж. Қадыржанова