Оралда ер адамды пышақтап өлтірген күдікті ұсталды

Оралда ер адамды пышақтап өлтірген күдікті ұсталды. Бұл туралы БҚО полиция департаментінің баспасөз қызметі мәлім етті, - деп хабарлайды Massaget.kz тілшісі "Астана" телеарнасына сілтеме жасап.

Департамент мәліметінше, оқиға 19 мамырда сағат 04:22-де "Али" кафесі маңында болды.

"Белгісіз біреу 1995 жылғы жігітті пышақтап кеткен. Жарақаттар салдарынан марқұм ауруханада көз жұмды. БҚО полиция департаменті криминалдық полициясы жүргізген жедел іс-шаралар нәтижесінде 19 жастағы күдікті қолға түсіп, уақытша ұстау изоляторына қамалды. Қазір ҚР Қылмыстық кодекстің 99-бабы 1-бөлігіне (кісі өлтіру) сәйкес соталды тергеу амалдары жүргізіліп жатыр. Барлық тиіс сараптама тағайындалды. Басқа ақпарат ҚР Қылмыстық іс жүргізу кодексінің 201-бабына сәйкес жариялауға жатпайды", - делінген хабарламада.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!