Оны "ақ у" деп бекер атамаған. Кардиолог тұздалған қиярдың жүрекке әсерін айтты

Жақында BMC Medicine журналында зерттеу жарияланды, оның авторлары консервіленген (маринадталған және тұздалған) көкөністерді пайдалану қан қысымының жоғарылауымен және геморрагиялық инсульт пен өңеш қатерлі ісігінен өлім қаупінің жоғарылауымен байланысты екенін айтты.

Кардиолог Диана Новикова телеграм-каналында тұздалған қиярдың жүрекке қалай әсер ететінін айтып берді.

Новикованың айтуынша, ғалымдардың тұжырымдары шынымен де дұрыс. Өйткені, консервіленген көкөністердің құрамында тұз көп. Дәрігерлер натрийді шамадан тыс тұтынуды қан қысымының жоғарылауымен, миокард инфарктісі, инсульт және жүрек-қан тамырлары өлімінің жоғарылауымен байланыстырады. Осыған қарамастан, адамдар тұзды көп мөлшерде жеуді жалғастырып жатыр.

ДДҰ сарапшылары күніне 5 грамнан аспайтын тұз тұтынуға кеңес береді - бұл шамамен бір шай қасық.

Елдегі ас әзірлеу дәстүрлерінің ерекшеліктеріне және тұзды тұтыну әдеттеріне байланысты өзімізге қажетті мөлшерден екі есе көп жейміз - күніне шамамен 8-11 грамм. Әдетте біз пісіру процесінде тұз қосамыз, содан кейін тұзды тағы да үстелге қоямыз. Әртүрлі дайын өнімдерде, сатып алынған соустарда, тез дайындалатын тағамдарда және дүкеннен тұздалған қиярда да тұз көп.

Тұздалған қиярдың қауіптілігі қандай?

Натрий қан тамырларында суды ұстап тұрады және айналымдағы қан көлемін арттырады. Мұндай жүктеме әсіресе жүрек-тамыр жүйесімен проблемалары бар адамдар үшін қауіпті болуы мүмкін.

Егер қан қысымы жоғары адам сол маринадталған қиярдың көп бөлігін бірден жесе, қысым одан да жоғары көтерілуі мүмкін және соңы инсультқа апарады.

Дегенмен, тұздың зияны мұнымен бітпейді, оны "ақ у" деп бекер атамаған. Тұз атеросклероздың дамуын тездетуі мүмкін, өйткені ол тамырларды қаттырақ етеді, фиброз және тамыр қабырғасының қабыну процестерін жеделдетеді.

Бұл тұзды толығымен тастау керек дегенді білдірмейді.

Айта кетейік, бұған дейін кардиолог қандай адамдар ұйықтап жатып өліп кетуі мүмкін екенін айтқан болатын.