Түркістан облысында терроризмді насихаттағандар және экстремистік ұйым қызметіне қатысқандар сотталды, - деп хабарлайды Massaget.kz тілшісі.
Жамбыл облысының тұрғыны былтыр қазанда Telegram желісінде "Ислам үшін" атты парақша ашып, онда заңсыз террористік құрылым ретінде танылған "Мұсылман бауырлар" және "Өзбекстан-исламдық қозғалысы" халықаралық террористік ұйымдарының видеоларын таратқан.
Ал Түркістан облысының тұрғыны желтоқсанда WhatsApp және Facebook желілері арқылы бірнеше рет "Хизб-ут-Тахрир" діни экстремистік ұйымының видеосын таратқан.
Мемлекеттік айыптаушылар сот барысында сотталушылардың кінәсін толық дәлелдеп, бас бостандығынан айыру жазасын тағайындауды сұраған.
Терроризмді насихаттағандарға 7 жыл мерзімге бас бостандығынан айыру жазасы тағайындалды. Олар жазаны қылмыстық-атқару жүйесінің қауіпсіздігі барынша жоғары мекемесінде өтейді.
Үкімдер заңды күшіне енген.
Қызықты жаңалықтар мен видеоларды көру үшін TikTok арнамызға жазылыңыз!