Оңтүстік Кореядағы ұшақ апаты: құрбандар саны тағы өсті

Оңтүстік Кореядағы Муан әуежайында Jeju Air жолаушылар ұшағы апатқа ұшырады. Кейінгі дерек бойынша қаза тапқандар саны 122 адамға дейін өсті, - деп хабарлайды Massaget.kz тілшісі.

Ұшақ апатынан құрбан болғандар саны күрт өсуі мүмкін. Әзірге екі адам құтқарылғаны хабарланды: бір экипаж мүшесі және бір жолаушы.

Құтқарылған екі адамнан басқалары қаза тапқан болуы мүмкін.

Оңтүстік Кореядағы ұшақ апаты туралы не белгілі?

Оңтүстік Кореядағы ұшақ апаты таңғы сағат 9:07-де (Астана уақыты бойынша 5:07-де) болды. Бортта 175 жолаушы мен алты экипаж мүшесі болды, олар Бангкоктан оралған. 

Апат салдарынан ұшақ айтарлықтай зақымданды, өрт шықты. Кейін төтенше жағдайлар қызметі өртті сөндіріп, іздеу-құтқару жұмыстары жүргізіліп жатқанын хабарлады.

Жолаушылар арасында Оңтүстік Кореяның 173 азаматы және Таиландтың 2 азаматы болғаны анықталды. Алдын ала ақпаратқа сәйкес лайнер қону кезінде құстармен соқтығысқан. 

Қызықты жаңалықтар мен видеоларды көру үшін TikTok арнамызға жазылыңыз!