Оңтүстік Кореядағы ұшақ апаты: қаза тапқандар саны 176-ға жетті

Оңтүстік Кореядағы жолаушылар ұшағы апатынан қаза тапқандар саны 176 адамға дейін өсті. Бұл туралы Yonhap агенттігі жазды, - деп хабарлайды Massaget.kz тілшісі.

"Сағат 18:10-дағы (Астана бойынша 14.10) деректер бойынша Jeju Air ұшағы апатынан қаза тапқандар саны 176 адамға дейін өсті", - деп жазылған хабарламада.

Оңтүстік Кореядағы ұшақ апаты туралы не белгілі?

Оңтүстік Кореядағы ұшақ апаты таңғы сағат 9:07-де (Астана уақыты бойынша 5:07-де) болды. Бортта 175 жолаушы мен алты экипаж мүшесі болды, олар Бангкоктан оралған. 

Апат салдарынан ұшақ айтарлықтай зақымданды, өрт шықты. Кейін төтенше жағдайлар қызметі өртті сөндіріп, іздеу-құтқару жұмыстары жүргізіліп жатқанын хабарлады.

Жолаушылар арасында Оңтүстік Кореяның 173 азаматы және Таиландтың 2 азаматы болғаны анықталды. Алдын ала ақпаратқа сәйкес лайнер қону кезінде құстармен соқтығысқан. Сондай-ақ құтқарылған екі адамнан басқалары қаза тапқан болуы мүмкін.

Өзекті жаңалықтарды өз уақытында оқу үшін Facebook парақшамызға жазылыңыз!