Екі өгей қызына қатысты зорлық-зомбылық туралы іс бойынша адвокат педофил мүддесі үшін жәбірленушіге пара бергені үшін ұсталды, - деп хабарлайды Massaget.kz тілшісі "Патриотқа" сілтеме жасап.
Құқық қорғаушы 2 жылға бас бостандығынан айырылды. Ал педофил өмір бойына бас бостандығынан айырылған еді.
Бұған дейін 53 жастағы Теміртау тұрғыны екі кішкентай өгей қызын зорлағаны туралы ақпарат тараған еді. Анасы жұмыста болған кезде ол апа-сіңлілерді зорлықпен қорқытқан. Бір қыз 11 жаста, екіншісі 14 жаста.
Бұл бірнеше айға созылған. Кейін әйел Қарағанды облысының полиция департаментіне көмек сұрап жүгінген.
Тергеу мен соттың қорытындысына сәйкес, айыпталушы адвокаттан бұрынғы әйелі мен өгей қыздары берген айғақтарын оның пайдасына өзгертуі үшін пара беруін сұраған. Мұны анықтаған полицейлер адвокатты жәбірленушіге пара берді деген күдікпен ұстады.
Теміртау тұрғыны өмір бойына бас бостандығынан айырылды. Үкімді Қарағанды облысының қылмыстық істер жөніндегі арнайы соты шығарды. Ол Қылмыстық кодекстің 121-бабының 4-бөлігімен кінәлі деп танылды.
Адвокаттың үкімі 15 желтоқсанда жарияланған. Іс материалдарына сәйкес, ол қыздардың анасына 2 900 доллар (1 миллион 330 мың теңге - еск.) және 6 500 000 теңге берген. Қалған ақшаны сотта зорлаушының пайдасына сөз сөйлеген соң алатындарын да айтқан. Адвокат өз қызметі үшін 3100 доллар (1 миллион 240 мың теңге - еск.) алған.
36 жастағы адвокат Қылмыстық кодекстің 422-бабының 1-бөлігі "Жалған айғақтар беруді немесе айғақтар беруден жалтаруды, жалған қорытынды беруді не қате аударуды параға сатып алу немесе оларға мәжбүрлеу" бойынша кінәлі деп танылып, оған ең төменгі қауіпсіздік режимінде 2 жылға бас бостандығынан айыру жазасы тағайындалды.
Қызықты жаңалықтар мен видеоларды көру үшін TikTok арнамызға жазылыңыз!