“Оған бұл туралы күнде айтамын“. Әлемдегі ең әдемі мысық анықталды

Фото: instagram.com/etceterabluepl/

11 қараша 2024, 05:41

Норвегияда өткен FIFE World Show бағдарламасында әлемдегі ең әдемі мысық таңдалды, - деп хабарлайды Massaget.kz тілшісі.

Бұл атақты ресейлік көк тұқымды Бакарди атты үй жануары жеңіп алды. Ол Польшаның Гданьск қаласынан келген.

"Мен Бакардидің әлемдегі ең әдемі мысық екенін үнемі сезетінмін және мен оған бұл туралы күнде айтамын", - деді мысықтың иесі.

Айта кетейік, әлемдегі ең әдемі мысықтың иесінің аты-жөні - Джоанна Ковальчик. Ол Бакардидің үйдегі төртінші мысық екенін айтты.

"Барлық мысықтарым керемет еді. Алайда Бакарди басынан бастап әлем чемпионы болды. Ол барлық тұқымдық стандарттарға сай. Көзінде от бар", - деді ол.