Нұрәлі Әлиев Милан мэріне Smart Astana жобасын таныстырды
![Нұрәлі Әлиев Милан мэріне Smart Astana жобасын таныстырды](/userdata/news/news_30410/image_l.jpg)
Астана әкімінің орынбасары Нұрәлі Әлиев Милан мэрін Smart Astana жобасымен таныстырды, - деп хабарлайды Tengrinews.kz тілшісі елорда әкімдігінің баспасөз қызметіне сілтеме жасап. Таныстыру Елорда күнінде EXPO көрмесін өткізу және ұйымдастыру бойынша тәжірибе алмасу мақсатында Қазақстан мен Италияның екіжақты серіктестігі аясында өткізілді.
Нұрәлі Әлиев "Smart емхана", "Smart мектеп", "Smart көшелерді жарықтандыру", "Smart payments" жобаларымен, сондай-ақ, қалалық әкімдіктің интеллектуалды байланыс орталығының жұмыстарын таныстырды. Ол EXPO-2017 көрмесіндегі ең бір ерекшелік "Smart көшені жарықтандыру" болуы мүмкін екенін айтты. Джулиано Пизапиа өз кезегінде қала әкімдігінің "ақылды" технологияны енгізгенінен әсер алғанын айтып, "Астана EXPO-2017" халықаралық көрмесінің ашылуына арналған жобалардың сәтті жүзеге асатынына сенім білдірді.
Еске сала кетейік, 2015 жылдың маусымында Нұрәлі Әлиев Будапешт қаласы мэрінің шақыртуымен Венгрия астанасына барып, бірнеше елдің басшыларымен келіссөз жүргізген болатын.
М. Бисембаева