Нұр-Сұлтанда өткен Хабибтің турнирінде жанкүйерлер арасында жанжал шықты
![Нұр-Сұлтанда өткен Хабибтің турнирінде жанкүйерлер арасында жанжал шықты](/userdata/news/news_70861/image_l.jpg)
Нұр-Сұлтанда өткен Хабиб лигасы турнирінде кезекшілік еткен полицейлер трибунадағы тәртіпті тез арада қалпына келтіруге мәжбүр болды, - деп хабарлайды Polisia.kz сайты.
"Турнир барысында жанкүйерлер арасында екі рет төбелес болды. Тәртіп сақшылары төбелесті дер кезінде тоқтатты. Арандатушылар полиция бөлімшесіне жеткізілді", - делінген хабарламада.
Еске салайық, елордада Eagle Fighting Championship аралас жекпе-жек лигасының 50-ші турнирі аяқталды.
Турнирде қазақстандық Дияр Нұрғожай (7-0) мен ресейлік Константин Андрейцев (17-14) кездесу өткізді. Бәске бос тұрған EFC белбеуі тігілді. Бес раундқа созылған жекпе-жек төрешілердің шешімімен қазақстандық файтер Дияр Нұрғожаевтың жеңісімен аяқталды.
Осылайша, Дияр Нұрғожай кәсіби мансабындағы сегізінші жеңісіне қол жеткізіп, Eagle Fighting Championship турнирінің жеңімпазы атанды.
Г. Досымшалова