Нұр-Сұлтанда ер адам әйелін кепілге алған

Нұр-Сұлтандағы сауда үйлерінің бірінде ер адам әйелін кепілге алды, - деп хабарлайды Tengrinews.kz тілшісі.

Елордалық Полиция департаментінің баспасөз қызметі мәліметінше, 4 шілдеде сағат 17.06-да "102" арнасына "Тұлпар" сауда үйінде қару ұстаған ер адам әйелді кепілге алғаны туралы ақпарат түскен.

"47 жастағы ер адам ұсталды. Операция барысында зардап шеккендер жоқ. Шолақ мылтық алынды. Кепілдегі ер адамның әйелі екені анықталды. Оқиғаға ажырасу процесі себеп болған. Әйелге психологиялық көмек көрсетіліп жатыр", - деді баспасөз қызметінің жетекшісі Эльмира Шәуленова.

Дерек бойынша соталды тергеу басталғаны айтылды. Қажетті тергеу шаралары жүргізіліп жатыр.

Посмотреть эту публикацию в Instagram

Публикация от Астана Сергек 24/7 (@astana_sergek)

Сілтемесіз жаңалық оқисыз ба? Онда Telegram желісінде парақшамызға тіркеліңіз!