"Нұр Отан" партиясы төрағасының бірінші орынбасары болып ОҚО әкімі тағайындалды

Фото: tn.kz

08 тамыз 2015, 17:29

"Нұр Отан" партиясы төрағасының бірінші орынбасары тағайындалды, - деп хабарлайды Tengrinews.kz тілшісі Ақорданың Twitter парақшасына сілтеме жасап.

"Мемлекет басшысы "Нұр Отан" Төрағасының бірінші орынбасары етіп Асқар Мырзахметовты тағайындады", - деп жазылған хабарламада.

Асқар Мырзахметов тағайындауға дейін 2009 жылдан бері Оңтүстік Қазақстан облысы әкімінің қызметін атқарды. Облыс басшысы қызметіне дейін "Оңтүстік" ӘКК" ҰК" АҚ басқармасының төрағасы (2007-2009 жылдары); 2006 жылы Өзбекстан Республикасындағы ҚР Төтенше және Өкілетті Елшісі болды. Сонымен қатар, ауылшаруашылық министрлігінде түрлі қызмет атқарды. 1999-2005 жылдары вице-министр және 2005 жылы ведомствоның министрі болды.

М. Бисембаева