Нотариусқа барудың қажеті жоқ: eGov-та жаңа қызмет пайда болды
![Нотариусқа барудың қажеті жоқ: eGov-та жаңа қызмет пайда болды](/userdata/news/news_91327/image_l.jpg)
Жұбайыңыздың жылжымайтын мүлікті қайта тіркеуге келісімін алу үшін нотариусқа барудың қажеті жоқ. Енді бұл қызметке онлайн тапсырыс беруге болады, - деп хабарлайды Massaget.kz тілшісі.
Бұл туралы цифрлық даму, инновациялар және аэроғарыш өнеркәсібі министрі Бағдат Мусин әлеуметтік желідегі парақшасында айтты.
"Баршаға белгілі, жылжымайтын мүлікті немесе кез келген басқа мүлікті қайта тіркеуге арналған әрбір мәміле үшін алдымен жұбайының нотариалды куәландырылған келісімін алу қажет. 2022 жылы нотариус арқылы ерлі-зайыптылардың 800 мыңға жуық келісімі берілгенін білесіз бе? Бұл әр жұптың кем дегенде бір сағатын алады. Сондай-ақ, ерлі-зайыптылардың біріне жұмыстан шығуға рұқсат етілмеген немесе олардың біреуі басқа қалада болатын жағдайлар бар. Енді eGov mobile қосымшасында ерлі-зайыптылардың нотариалды түрде расталған келісімін беруге болады", - деді министр.
Функция Цифрлық даму министрлігі, Әділет министрлігі және Республикалық нотариаттық палатаның бірлескен жұмысының арқасында қолжетімді болды.
Қызметті қолданбаның ішіндегі eNotary қызметінен табуға болады.
Бұл функция қазақстандықтарға нотариусқа бармай-ақ, қағаз нұсқасын алып тастай отырып, нотариаттық құжаттарды бірнеше минут ішінде куәландыруға мүмкіндік береді.
Келісім биометрикалық тексеруден өту көмегімен онлайн жүргізіледі, содан кейін нотариус клиенттің деректерін тексереді, бұдан әрі келісім расталғаннан кейін нотариалды куәландырылған құжат рәсімделеді.
Ерлі-зайыптылардың келісімін алу үшін сізге:
- eGov Mobile қосымшасына кіру;
- басты бетте "eNotary" қызметін ашу;
- тізімнен "келісім" әрекет түрін таңдау;
- өтініш формасын толтыру және биометриялық тексеруден өту;
- бейнеқоңырау арқылы жұбайыңыздың келісімін алу;
- нотариалдық қызметке ақы төлеу қажет.
Бейнеқоңырау аяқталғаннан кейін пайдаланушы "Нотариаттық іс-әрекеттер" бөлімінде өтініштің күйін көру мүмкіндігіне ие.
EGov Mobile мобильді қосымшасының "Цифрлық құжаттар" бөліміндегі QR кодын сканерлеу арқылы бейнекамераның көмегімен ресми куәландырылған сенімхаттың түпнұсқалығын тексеруге болады. Қалыптасқан сенімхат "цифрлық құжаттар" сервисінде қолжетімді және оны талап ету орны бойынша ұсынуға болады.
Тағы да оқи отырыңыздар: Сымсыз технологияның қандай кемшіліктері мен артықшылықтары бар?
Instagram парақшамызға жазылып, ең қызықты ақпараттарды бірінші болып оқыңыз!
С. Бөлек