Нөсер жаңбыр, көктайғақ, тұман: 29 қарашада елдің басым бөлігінде ескерту жасалды

Синоптиктер 29 қарашада елдің басым бөлігінде нөсер жаңбыр, көктайғақ, тұманға байланысты ескерту жасады, - деп хабарлайды Massaget.kz тілшісі.

Ұлытау облысының солтүстігінде көктайғақ болады.

Жетісу облысының Алакөл көлдері ауданында оңтүстік-шығыстан жел соғады, екпіні 15-20, күндіз кей уақыттарда 23-28 м/с болады.

Батыс Қазақстан облысының солтүстігінде, батысында тұман түседі.

Ақтөбе облысының солтүстігінде, шығысында көктайғақ болады. Солтүстік-батыстан жел соғады, облыстың шығысында, оңтүстігінде екпіні 15-20 м/с-қа жетеді.

Қызылорда облысының шығысында тұман түседі. Жел батыстан соғады, облыстың батысында, орталығында күші - 15-20 м/с.

Атырау облысының солтүстігінде, оңтүстігінде, шығысында тұман. 

Маңғыстау облысының солтүстік-шығысында, орталығында тұман күтіледі. Оңтүстік-шығыстан жел соғады, күндіз облыстың батысында екпіні 15-20 м/с күтіледі.

Түркістан облысының таулы аудандарында нөсер жаңбыр жауады. Оңтүстік-батыстан солтүстік-батысқа ауысатын жел соғады, облыстың солтүстігінде, батысында, таулы және тау бөктерлі аудандарында 15-20 м/с.

Шымкентте оңтүстік-батыстан солтүстік-батысқа ауысатын жел соғады, күндіз екпіні 15-20 м/с. 

Абай облысының солтүстігінде, шығысында тұман. Жел оңтүстік-шығыстан, оңтүстіктен соғады, облыстың оңтүстігінде, орталығында 15-20, күндіз екпіні 25 м/с.

Шығыс Қазақстан облысының солтүстігінде, оңтүстігінде тұман. Жел шығыстан, оңтүстік-шығыстан соғады, облыстың орталығында 15-20, күндіз екпіні 25 м/с.

Ақмола облысының солтүстігінде, шығысында тұман түседі. Күндіз облыстың батысында көктайғақ күтіледі.

Қостанай облысының батысында, солтүстігінде көктайғақ, тұман.

Солтүстік Қазақстан облысының оңтүстік-батысында көктайғақ күтіледі. Облыстың оңтүстігінде, шығысында тұман күтіледі. Оңтүстік-шығыстан жел соғады, түнде облыстың солтүстігінде, шығысында, оңтүстігінде, күндіз облыстың солтүстігінде, шығысында екпіні 15-20 м/с. 

Павлодар облысының оңтүстігінде тұман түседі.

Қызықты жаңалықтар мен видеоларды көру үшін TikTok арнамызға жазылыңыз!