Назарбаев бел омыртқасына ота жасатқан

Қазақстанның тұңғыш президенті Құрылтай депутаттарын сайлау рәсіміне қатысты, - деп хабарлайды Massaget.kz тілшісі.

Нұрсұлтан Назарбаев Қазақстан Республикасының Құрылтайы сайлауында дауыс берді.

Сурет: nazarbayev.kz

"Жақында бел омыртқасына жасалған отадан кейінгі денсаулық жағдайына байланысты тұңғыш президент өз дауыс беру құқығын үйде жүзеге асырды", - деп жазылған хабарламада.

Құрылтай сайлауы

23 тамызда Қазақстанда жаңа бір палаталы Парламент - Құрылтай депутаттарын сайлау өтіп жатыр. Бұл - 1991 жылдан бергі оныншы парламенттік сайлау және жаңа Конституция қабылданғаннан кейінгі алғашқы сайлау.

Сайлауға 7 партия қатысып жатыр. Құрамы мынадай:

• "Ақ жол" демократиялық партиясы - 63 кандидат;
• "Ауыл" халықтық-демократиялық патриоттық партиясы - 69 кандидат;
• "Әділет" партиясы (құрамына Amanat партиясы кірген) - 186 кандидат;
• "Байтақ" Қазақстан жасылдар партиясы - 47 кандидат;
• Қазақстан Халық партиясы (ҚХП) - 72 кандидат;
• Жалпыұлттық социал-демократиялық партия (ЖСДП) - 33 кандидат;
• Respublica партиясы - 75 кандидат.

1 шілдеден бастап Қазақстан ресми түрде "жаңа дәуірге" қадам басты. Елде жаңа Конституция өз күшіне енді.

Конституциялық реформадан кейін Мәжіліс пен Сенат жұмысын тоқтатып, депутаттар таратылды. Енді елде қос палаталы Парламенттің орнына Құрылтай жұмыс істейді. Сайлау қорытындысы бойынша жаңа Парламентке 145 депутат кіреді.

Өзекті жаңалықтарды өз уақытында оқу үшін Facebook парақшамызға жазылыңыз!