Қазгидромет 11 өңірде ауа райына байланысты ескерту жариялады, - деп хабарлайды Massaget.kz тілшісі.
Қостанай облысы
8 мамырда таңертең және түстен кейін Қостанай облысының батысында, солтүстігінде, шығысында найзағай күтіледі. Облыстың батысында, солтүстігінде, шығысында солтүстік-батыстан жел соғады, екпіні секундына 15-20 метр болады. Облыстың орталық бөлігінде өрт қаупі жоғары.
Маңғыстау облысы
8 мамырда Маңғыстау облысының батысында, солтүстігінде, орталығында найзағай күтіледі. Күндіз облыстың оңтүстігінде, шығысында шаңды дауыл тұрады. Жел шығыс, оңтүстік-шығыстан соғады, күндіз облыстың батысында, оңтүстігінде, шығысында секундына 15-20 метрге жетеді. Ақтауда 8 мамырда найзағай болады. Жел шығыс, оңтүстік-шығыстан соғады, күндіз екпіні секундына 18 метр болады.
Абай облысы
7 мамыр сағат 21:00-ден 8 мамыр сағат 21:00-ге дейін Семейде күтілетін қолайсыз ауа райы жағдайына байланысты екінші дәрежелі қолайсыз ауа райы туралы ескерту сақталады.
Қызылорда облысы
8 мамырда Қызылорда облысының шығысында төтенше өрт қаупі күтіліп отыр.
Түркістан облысы
8 мамырда түстен кейін Түркістан облысының тауларында найзағай болады. Жел шығыстан соғады, күндіз облыстың тау асуларында секундына 15-20 метрге жетеді.
Ақмола облысы
8 мамырда таңертең және түстен кейін Ақмола облысының солтүстігінде, батысында найзағай күтіледі. Жел оңтүстік-батыстан солтүстік-батысқа ауысады, күндіз облыстың солтүстігінде, батысында екпіні секундына 15-20 метрге жетеді.
Атырау облысы
8 мамырда Атырау облысының батысында, солтүстігінде найзағай күтіледі. Жел солтүстік-шығыстан соғып, облыстың батысында, солтүстігінде, оңтүстігінде секундына 15-20 метрге жетеді.
Жамбыл облысы
8-9 мамырда таңертең және түстен кейін Жамбыл облысының оңтүстік-батысында, солтүстік-шығысында, таулы аудандарында секундына 15-20 метрге жететін солтүстік-шығыстан соғатын жел күтіледі. 8 мамырда түстен кейін Таразда солтүстік-шығыстан жел соғады, секундына екпіні - 15-20 метр.
Батыс Қазақстан облысы
8 мамырда Батыс Қазақстан облысының оңтүстігінде, шығысында найзағай күтіледі. Жел солтүстік-шығыстан соғады, түнде оңтүстікте, күндіз оңтүстікте, шығыста секундына екпіні 15-20 метрге жетеді.
Ақтөбе облысы
8 мамырда Ақтөбе облысында күндіз оңтүстік, оңтүстік-батыстан жел соғады, облыстың солтүстік-батысында екпіні секундына 15 метр болады.
Солтүстік Қазақстан облысы
8 мамырда Солтүстік Қазақстан облысының батысында, солтүстігінде, шығысында солтүстік-батыстан жел соғады, екпіні - секундына 15-20 метр. Петропавлда 8 мамырда түстен кейін солтүстік-батыстан жел соғады, екпіні - секундына 15-20 метр.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!