Найзағай, бұршақ, жел: 22 мамырға арналған ауа райы болжамы
![Найзағай, бұршақ, жел: 22 мамырға арналған ауа райы болжамы](/userdata/news/news_83829/image_l.jpg)
"Қазгидромет" РМК синоптиктері 22 мамырда қолайсыз ауа райына байланысты ескерту жасады, - деп хабарлайды Massaget.kz тілшісі.
Қостанай облысының оңтүстігінде жоғары өрт қауіпі сақталады.
Жетісу облысының таулы аудандарында қатты жаңбыр, облыстың солтүстігінде, оңтүстігінде, орталығында, таулы аудандарында найзағай, бұршақ күтіледі. Солтүстік-шығыстан жел соғады, найзағай кезінде екпіні 15-20, Алакөл көлдері ауданында 25 м/с.
Қарағанды облысының оңтүстігінде найзағай күтіледі. Солтүстік-шығыстан жел соғады, күндіз облыстың батысында екпіні 18 м/с күтіледі. Облыстың шығысында жоғары өрт қаупі сақталады.
Алматы облысының оңтүстігінде, таулы аудандарында кей уақытта қатты жаңбыр күтіледі. Облыстың оңтүстігінде, таулы аудандарында найзағай, бұршақ күтіледі. Солтүстік-шығыс желі найзағай кезінде екпіні 17-22, кей уақытта 25 м/с.
Алматыда найзағай күтіледі. Солтүстік-шығыс желі найзағай кезінде екпіні 17 м/с.
Батыс Қазақстан облысының оңтүстік-батысында найзағай күтіледі. Жел солтүстік-шығыстан, шығыстан соғады, күндіз облыстың солтүстігінде, шығысында екпіні 15-20 м/с.
Қызылорда облысының орталығында шаңды дауыл күтіледі. Солтүстіктен, солтүстік-шығыстан жел соғады, күндіз облыстың орталығында күші 15-20 м/с сақталады.
Ұлытау облысының шығысында найзағай күтіледі. Солтүстік-шығыстан жел соғады, күндіз облыстың оңтүстігінде екпіні 18 м/с күтіледі. Облыстың орталығында төтенше өрт қаупі күтіледі.
Маңғыстау облысының батысында, оңтүстігінде найзағай күтіледі. Күндіз облыстың оңтүстігінде шаңды дауыл күтіледі. Оңтүстік-шығыстан жел соғады, облыстың оңтүстігінде, батысында, солтүстігінде 15-20, екпіні 23 м/с күтіледі.
Ақтөбе облысының батысында, оңтүстігінде шығыстан, солтүстік-шығыстан жел соғады, екпіні 15-20 м/с күтіледі.
Түркістан облысының солтүстігінде шаңды дауыл күтіледі. Солтүстік-шығыстан жел соғады, облыстың тау асуларында күші 15-20 м/с.
Павлодар облысының шығысында, орталығында төтенше өрт қаупі бар.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Г. Досымшалова