Науқастың ұлы жедел жәрдем жүргізушісін соққыға жыққан
![Науқастың ұлы жедел жәрдем жүргізушісін соққыға жыққан](/userdata/news/news_96949/image_l.jpg)
Өзбекстандағы Шырақшы ауданында науқастың ұлы жедел жәрдем жүргізушісімен жанжалдасып, оны соққыға жыққан, - деп хабарлайды Massaget.kz тілшісі Podrobno.uz-ға сілтеме жасап.
Облыстық денсаулық сақтау басқармасы өкілдерінің мәліметінше, жедел жәрдем бөліміне Хожақорған ауылындағы Кахрамон тұрғыны 61 жастағы әйел қан қысымының көтерілуіне шағымданып келген.
12 желтоқсанда 103 бөлімшесіне қан қысымының көтерілуіне шағымданған науқастан қоңырау түсті. Медициналық топ келгеннен кейін науқас әйелдің ұлы жедел жәрдем жүргізушісімен жанжалдасып, оны ұрып-соғып, бетін жарақаттаған.
Көлікті қосалқы станцияға қайтару үшін олар басқа жүргізушіні шақыруға мәжбүр болды, себебі соққыға жығылған жүргізуші көлікті жүргізе алмаған.
Жағдай облыстық ішкі істер органдарының бақылауында.
Аптаның басты оқиғалары мен пайдалы видеоларды көру үшін YouTube арнамызға жазылыңыз
С. Бөлек