Нариман Құрбанов спорттық гимнастикадан Азия чемпионы атанды, Карими - күміс жүлдегер
![Нариман Құрбанов спорттық гимнастикадан Азия чемпионы атанды, Карими - күміс жүлдегер](/userdata/news/news_107514/image_l.jpg)
Фото:
olympic.kz
Өзбекстан астанасы Ташкентте өтіп жатқан спорттық гимнастикадан Азия біріншілігінде қазақстандық Нариман Құрбанов чемпион атанды, - деп хабарлайды Massaget.kz тілшісі.
Құрбанов гимнастикалық ат снарядында үздік шықты. Ол аталған жаттығуда 15.600 ұпай жинап, алтын медаль иеленді.
Күміс жүлдені өзбекстандық Абдулла Азимов (14.633), қоланы иорданиялық Әбу әл-Сауд Ахмад еншіледі.
Ал Милад Карими болса, еркін жаттығудан күміс медаль жеңіп алды. Бұл Миладтың Ташкент төріндегі екінші күмісі. Бұған дейін ол көпсайыста үздіктер қатарынан көрінген болатын.
Аптаның басты оқиғалары мен пайдалы видеоларды көру үшін YouTube арнамызға жазылыңыз
М. Лұқпан