ІІМ қауіпсіздік ережелерін еске салды, - деп хабарлайды Massaget.kz тілшісі.
Ведомство мәліметінше, балалардың терезеден құлауы - балалар жарақатының ең көп тараған себептерінің бірі.
"Мұндай жағдай қалаларда жиі кездеседі. Көктем басталысымен жазатайым оқиғалар қаупі артады. Балалар терезеден құлаған 13 дерек тіркелді, бір бала қаза тауып, ал 12-сі түрлі жарақат алды. Мұның басты себебі – ата-аналардың балаларды бақылаусыз, қараусыз қалдыруы және олардың ашық терезелерге жақын болуы. Ашық терезелер мен сенімсіз москит торларының қаупін бағалай алмайтын, яғни 7 жасқа дейінгі балалар осындай қауіпке ұшырауы мүмкін", - деді ІІМ әкімшілік полиция комитеті ерекше тапсырмалар жөніндегі аға инспекторы Рүстем Жүсіпбеков.
Жазатайым оқиғалардың алдын алу мақсатында полиция ата-аналарға қарапайым ережелерді ұстануды ұсынады:
- баланы ешқашан терезелері ашық бөлмеде қараусыз қалдырмаңыз;
- тиісті қорғаныссыз москит торларын пайдаланбаңыз;
- бала терезені өздігінен аша алмайтындай етіп блокаторлар орнатыңыз;
- жиһазды терезелерден алыстатыңыз;
- терезе торларын орнатыңыз.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова