Мойнына пышақ сұғып алған: Қызылордада мұғалім әріптесін өлтірді деген күдікке ілінді

Фото: depositphotos.com

04 маусым 2024, 09:46

Қызылордада мұғалім әріптесін өлтірді деген күдікке ілінді, - деп хабарлайды Massaget.kz тілшісі "Қазақстан" телеарнасына сілтеме жасап.

Қайғылы оқиға қалаға қарасты Қызылжарма елді мекенінде болған.

2 маусымға қараған түні екі ер адам ерегісіп, арты төбелеске ұласқан. Жанжал кезінде біреуі екіншісінің мойын тұсына пышақ сұғып алған. Мертіккен 35 жастағы қала тұрғыны жедел-жәрдем келгенше қайтыс болды.

Екеуі де дене шынықтыру пәнінің мұғалімі екені белгілі болды. Бұл дерек бойынша қылмыстық іс қозғалып, күдікті уақытша ұстау абақтысына қамалды. Оқиғаның мән-жайы анықталып жатыр.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

С. Бөлек