Мотоцикл апатынан 2 адам қаза тапқан
![Мотоцикл апатынан 2 адам қаза тапқан](/userdata/news/news_110541/image_l.jpg)
Фото:
©️ Tengrinews.kz / Тұрар Қазанғапов
Кейінгі кезде мотоциклге қатысты жол апаты жиіледі. Мәселен, Ақмола облысында жыл басынан бері осындай 14 оқиға тіркелген, - деп хабарлайды Massaget.kz тілшісі ІІМ баспасөз қызметіне сілтеме жасап.
Ақмола облысы ПД жергілікті полиция қызметі басқармасы бастығының айтуынша, мотоцикл - жоғары қауіпті құрал. Мұндай оқиғалар салдарынан 2 адам қаза тауып, 17 адам жарақат алды. 280 мотоцикл жүргізушісі жауапқа тартылды. 180 мотоцикл айыппұл тұрағына қамалды, оның 40-ы Көкшетау қаласында.
- 26 маусымда полиция қызметкерлері Уәлиханов – Вавилов көшелері қиылысында мотоцикл басқаруға құқығы жоқ жүргізушінің Tekken мотоциклін тоқтатты. 49 жастағы жүргізушіге полиция қызметкерлері ҚР ӘҚБтК 612-бабы бойынша әкімшілік хаттама толтырды.
- Сондай-ақ, облыс орталығының аумағында полицейлер Suzuki мотоциклін тоқтатты, оның жүргізушісі көлік құралын мас күйінде тізгіндеген. Ол ҚР ӘҚБтК-нің 608-бабы бойынша әкімшілік жауапкершілікке тартылды және көлік құралын басқару құқығынан 7 жылға айырылды. Мотоцикл арнайы айыппұл тұрағына қамалды.
Ал кәмелетке толмағандар көбіне туыстарына тиесілі мотоциклдерді айдайды.
- Целиноград ауданында "Янган" мопедін тізгіндеген кәмелетке толмаған бала 14 жастағы жасөспірімді қағып кеткен.
- Бурабай ауданында 17 жастағы жүргізуші еш жерде тіркелмеген Racer мотоциклін тізгіндеп, бағдаршамның қызыл шамына өтіп, көлікпен соқтығысқан.
- Сол ауданда 15 жастағы бала мотоцикл жүргізіп, шұңқырға құлады, салдарынан мопед жолаушысы түрлі жарақат алды.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова