8 қарашада Қазақстанда мобильді аударымдарды тексерудің жаңа ережелері күшіне енеді. Жаңа талап қазанда жасалған аударымдарға да қолданылады. Толық мәліметті Мемлекеттік кірістер комитеті түсіндірді, деп хабарлайды Massaget.kz.
Президенттің ең төменгі жалақы мөлшерін 2027 жылдан бастап 110 мың теңгеге дейін көтеру туралы тапсырмасынан кейін мобильді аударымдарды бақылау шегінің қалай есептелетініне қатысты сұрақ туындады. Өйткені бұған дейін салық органдары назар аударатын аударымдардың шекті сомасы ең төменгі жалақыға байланысты болатын.
Қаржы министрлігінің мәліметінше, министрдің 23 қазандағы бұйрығымен аударымдардың шекті сомасы 12 ЕТЖ-дан 360 АЕК-ке өзгертілген.
Мемлекеттік кірістер комитетінің мәліметінше, бұйрық 2026 жылғы 8 қарашада күшіне енеді. Соған қарамастан, жаңа шекті мөлшер төртінші тоқсанның бүкіл кезеңіне – қазан, қараша және желтоқсан айларындағы аударымдарға қолданылады.
«Аударымдардың шекті сомасын 12 еселенген ЕТЖ-дан 360 еселенген АЕК-ке ауыстыру жеке тұлғалардың жағдайын нашарлатпайды, керісінше жақсартады. Сондықтан 2026 жылдың төртінші тоқсанындағы мәліметтерді бағалау кезінде 360 АЕК мөлшеріндегі жаңа критерийді қолдану туралы шешім қабылданды», – делінген комитет жауабында.
Демек қазаннан желтоқсанға дейінгі аударымдарды бағалау кезінде 1 557 000 теңге мөлшеріндегі жаңа шек есепке алынады.
2027 жылдан бастап мобильді аударымдардың шегі сол жылғы 1 қаңтарда белгіленген АЕК мөлшеріне қарай есептеледі. АЕК өзгерген сайын шекті сома да автоматты түрде қайта есептеледі. Ол үшін жыл сайын бұйрыққа өзгеріс енгізудің қажеті болмайды.
Бұл әзірге алдын ала сома. Республикалық бюджет жобасы түпкілікті мақұлданғаннан кейін нақты көрсеткіш белгілі болады.
Егер тексерілетін үш айлық кезең екі күнтізбелік жылды қамтыса, мысалы 2026 жылғы желтоқсаннан 2027 жылғы ақпанға дейін созылса, бірыңғай шекті мөлшер қолданылады. Ол бағалау жүргізілетін жылдың 1 қаңтарындағы АЕК бойынша есептеледі.
Салық органдарында сұрақ туындауы үшін төмендегі үш шарттың барлығы бір мезгілде орындалуы керек: