Министр балтамен ұсталған ресейліктер қалай жазаланғанын айтты
![Министр балтамен ұсталған ресейліктер қалай жазаланғанын айтты](/userdata/news/news_72806/image_l.png)
Фото:
видео кадры
Шекарадан өту ережесін бұзған Ресей азаматтары Қазақстаннан шығарылды. Бұл туралы Ішкі істер министрі Марат Ахметжанов мәлімдеді, - деп хабарлайды Massaget.kz тілшісі.
"Шекараны заңбұзушылықпен кесіп өткендер сот шешімі бойынша Қазақстаннан шығарылып, құзырлы органдарға тапсырылды", - деді Ахметжанов.
Оның айтуынша, ұсталғандар балта алып жүрген.
"Оларда қару емес, балта болған", - деді ІІМ басшысы.
Еске салайық, 25 қыркүйекте шекара қызметінің Қостанай облысы бойынша департаменті бақылау-өткізу бекетін айналып өтіп, шекараны кесіп өтпек болған үш ресейлік ұсталған болатын. Тәртіпбұзушылар өз әрекетін Ресей Федерациясында жарияланған мобилизациямен байланыстырған.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Д. Шәріпхан