Мейрамбек Беспаев жас рэпер Райымбек Бақтыгереевпен дуэт орындап, тыңдармандарын тәнті етті, - деп хабарлайды Massaget.kz тілшісі.
RaiM лақап атымен танылған қазақстандық рэпер Райымбек Бақтыгереевтің жеке кешінде Мейрамбек Беспаев те ән шырқады.
"Алматы Аренада" өткен концертке 15 мың тыңдарман жиналған.
Бұл туралы Мейрамбек Беспаев әлеуметтік желідегі парақшасында жазды.
"Жастардың ішінде шоқтығы биік, әуезі де әні де ерекше, талантымен талайды таң қалдырып жүрген Раимның кеші жоғарғы деңгейде өтті. Алып мегаполистің төріндегі 15 мың адамдық "Алматы аренаның" атмосферасын сөзбен жеткізу мүмкін емес. Жарайсың, бауырым. Бұл сенің күнді күнге, түнді түнге жалғап еткен тынымсыз еңбегіңнің жемісі. Біздің дуэт елге ұнап жатса бұл сенің кіршіксіз көңілің мен таза жаныңның жемісі. Осы жолдан айныма", - деп жазды ол.
Екі түрлі стильде ән шырқайтын әншілердің коллабын тыңдармандар қауымы жақсы қабылдаған сияқты.
Қызықты жаңалықтар мен видеоларды көру үшін TikTok арнамызға жазылыңыз!