Мереке күндеріне арналған ауа райы болжамы

Синоптиктер алдағы 7-10 мамыр күндеріне арналған ауа райы болжамын жария етті.

Мереке күндерінде Қазақстанның барлық аймағында құбылмалы ауа райы күтіледі: елдің батысында атмосфералық фронттардың өтуімен қысқа мерзімді жаңбыр жауады, желдің күші секундына 9-14, ал кейде 15-20 метрге дейін жетеді. "Ауа температурасы баяулап, 20-33 градусқа дейін көтеріледі. Солтүстік өңірлерде − қарға ұласатын жаңбыр (9-10 мамыр) болады. Желдің жылдамдығы секундына 15-20 метрге жетіп, солтүстік, шығыс және орталық аймақтарда температура түнде 5-0 градусқа дейін жетеді, кей жерлерде 3 градус суық, күндізгі уақытта 7-15 градус жылы", − делінген хабарламада. 

Оңтүстік өңірлерде демалыс күндері жаңбыр, найзағай ойнайды, оңтүстік-шығыстан соғатын желдің жылдамдығы секундына 9-14, кейде 15-20 метрге дейін жетеді. 7-10 мамыр аралығында түнде ауа температурасы 13-18-ден 7-12 градусқа дейін түседі, күндіз 28-33 градус жылыдан 20-25 градусқа, ал кей жерлерде 15 градусқа дейін түседі, елдің оңтүстік-шығысында ауа температурасы түнде 2-10 градусқа, күндіз 15-25 градусқа жетеді. 

Консультатив болжамына сәйкес, мамыр айында орташа ауа температурасы Солтүстік Қазақстан, Ақмола, Павлодар облыстарында, Қостанай облысының басым бөлігінде, Шығыс Қазақстан облысында және Қарағанды облысының кей жерлерінде 10-14 градус болады. Қалған аймақтарда 15-23 градус, бұл Батыс Қазақстан, Атырау, Маңғыстау, Ақтөбе, Қызылорда және Оңтүстік Қазақстан облыстарында нормадан жоғары, республиканың қалған аймақтарында норма шамасында болады.

Дереккөз: tengrinews