Қазақстанда әлеуметтік қолдауға құқығы бар азаматтар санаты бекітілді. Тиісті бұйрыққа премьер-министрдің орынбасары – ұлттық экономика министрі Серік Жұманғарин қол қойды, - деп хабарлайды Massaget.kz тілшісі.
Әлеуметтік қолдауға құқығы бар азаматтардың тізімі жаңа Салық кодексі аясында әзірленген. Ол 2026 жылғы 1 қаңтардан бастап күшіне енеді. Бұл санатқа мына азаматтар кіреді:
- арнаулы мемлекеттік жәрдемақы алушы;
- мемлекеттік әлеуметтік жәрдемақы алушы;
- арнаулы әлеуметтік қызметтерді алушылар;
- зейнетақы алатын мүгедектігі бар адамдар;
- он сегіз жасқа толмаған жетім бала және (немесе) ата-анасының қамқорлығынсыз қалған бала;
- мемлекеттік атаулы әлеуметтік көмек алушы;
- әлеуметтік мәні бар аурулардың тізіміне кіретін ауруға шалдыққан адам;
- айналадағылар үшін қауіп төндіретін аурулар тізіміне кіретін ауруға шалдыққан адам;
- кейбір созылмалы аурулардың ауыр түрлерінің тізіміне кіретін ауруға шалдыққан адам.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова