Мемлекет басшысы белгілі экономист, қоғам қайраткері Оразалы Сәбденді қабылдады

Мемлекет басшысы белгілі экономист, қоғам қайраткері Оразалы Сәбденді қабылдады. Кездесуде еліміздің экономикалық даму перспективалары жан-жақты талқыланды, - деп хабарлайды Massaget.kz тілшісі Ақорданың баспасөз қызметіне сілтеме жасап.

Бұл орайда ел экономикасын әртараптандыру, өндірістік әлеуетті арттыру, шағын және орта бизнес пен ауыл шаруашылығын дамыту мәселелеріне баса назар аударылды. Көзделген мақсаттарға қол жеткізу үшін аталған салаларды цифрландыру айрықша маңызды. Сонымен қатар әлеуметтік инновация арқылы халықтың тұрмыс сапасын жақсарту жолдары қарастырылды.

Президент былтыр Жоғары білімді және ғылымды дамытудың 2029 жылға дейінгі тұжырымдамасы қабылданғанын атап өтіп, мемлекеттің аталған салаларға баса мән беретінін айтты.

Мемлекет басшысы Ғылым академиясының жай-күйін әрдайым жіті назарында ұстайтынын жеткізді. Сондай-ақ білімді, әлемдік үрдісті жетік білетін жастарға қолдау көрсетіле беретініне назар аударды.

Оразалы Сәбден ғылым саласын дамытуға қатысты ұсыныстарымен бөлісті.

Қызықты жаңалықтар мен видеоларды көру үшін TikTok арнамызға жазылыңыз!