Жамбыл облысында сот оқушылар арасындағы қайғылы оқиғаға байланысты үкім шығарды, - деп хабарлайды Massaget.kz тілшісі.
Мән-жайы
Сот мәліметінше, 9-сынып оқушысы Р. Тараздағы мектепте кәмелетке толмаған құрдасы А.-мен қақтығыс кезінде оған физикалық зорлық-зомбылық көрсеткен. Мойын жарақаты салдарынан жәбірленуші оқиға орнында қайтыс болған.
Сот отырысы
Сотталушының кінәсі куәлердің айғақтарымен, сараптама қорытындыларымен және заттай дәлелдермен дәлелденген.
Прокурор сотталушыға 6 жыл 8 айға бас бостандығынан айыру жазасын тағайындауды сұрады.
Сот үкімі
Сот үкімімен сотталушы Р. ҚК-нің 106-бабы 3-бөлігі бойынша кінәлі деп танылып, оған ҚК-нің 81-бабы 7-бөлігі және ҚК-нің 55-бабы 2-бөлігі 2) тармағы негізінде 6 жыл 8 ай мерзімге бас бостандығынан айыру жазасы тағайындалды.
Сондай-ақ, сот сотталушының заңды өкілдерінен жәбірленуші тараптың пайдасына 10 млн теңге мөлшерінде моральдық зиян өндіріп алды.
Үкім заңды күшіне енген жоқ.
Instagram парақшамызға жазылып, ең қызықты ақпараттарды бірінші болып оқыңыз!
Ж. Қадыржанова