Мектеп формасын қолжетімді ету маңызды - Тоқаев
![Мектеп формасын қолжетімді ету маңызды - Тоқаев](/userdata/news/news_71238/image_l.jpg)
Президент Қасым-Жомарт Тоқаев Қазақстан халқына Жолдауында мектеп формасын барлық оқушыға қолжетімді ету маңызды екенін айтты, - деп хабарлайды Massaget.kz тілшісі.
"Мектеп формасын барлық оқушыға барынша қолжетімді ету аса маңызды. Әлеуметтік тұрғыдан әлсіз саналатын кейбір топтағы балаларға оны бюджет есебінен беру керек деп санаймын. Мектеп формасын сатып алуға берілетін нысаналы мемлекеттік тапсырыстар отандық жеңіл өнеркәсіпті дамытуға бағытталуы тиіс", - деді Президент Қасым-Жомарт Тоқаев.
Айта кетейік, бүгін Парламенттің қос Палатасының бірлескен отырысында Президент Қасым-Жомарт Тоқаев еліміздің дағдарыстан кейінгі кезеңдегі негізгі даму мақсаттары жайында Қазақстан халқына Жолдау жасап жатыр.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек