Мексикада әскери тікұшақ апатқа ұшырап, 14 адам қаза болды

Лос-Мочис муниципалитетінде Мексика әскери-теңіз күшінің тікұшағы апатқа ұшырап, 14 адам қаза болды. Бұл туралы елдің ӘТК министрлігі өкілі айтты, - деп хабарлайды RG.

Басылым мәліметінше, Black Hawk тікұшағының бортында барлығы 15 адам болған. Ұшақ апатынан олардың біреуі аман қалған. Қазір дәрігерлер оның өмірі үшін күресіп жатыр.

Төтенше жағдай жергілікті бұқаралық ақпарат құралдары есірткі иесі Рафаэль Каро Кинтероның осы аймақта ұсталғаны туралы хабарлағаннан кейін болған. Алайда әскери-теңіз күштері әуе апатының есірткі сатушыны ұстау операциясымен байланысын растамаған.