Меккеге барар жолда жантүршігерлік жол апаты болды: 20 адам қаза тапқан
![Меккеге барар жолда жантүршігерлік жол апаты болды: 20 адам қаза тапқан](/userdata/news/news_80549/image_l.png)
Сауд Арабиясында жеңіл көлік пен автобус соқтығысып, салдарынан кем дегенде 20 адам қаза тапты, тағы 29 адам зардап шекті, - деп хабарлайды Massaget.kz тілшісі Saudi Gazette басылымына сілтеме жасап.
Басылым мәліметінше, жол апаты Абха қаласы мен Махаил Асир мухафазасын (провинция) қосатын Акаба Шаар жолында болған. Тежегіші істен шыққаннан кейін, жолаушылар автобусының жүргізушісі көлікті басқара алмай көпірге соқтығысып, аударылған, артынша өртенген. Зардап шеккендер Ұмраға, Меккеге бара жатқан.
#SaudiArabia: At least 20 Umrah pilgrims killed, 29 injured in horrific bus crash in Asir
— Dr. Priya (@DrPriya44) March 28, 2023
The victims were on their way to #Mecca to perform #Umrah when the accident occurred pic.twitter.com/Qx01O3lVPG
Азаматтық қорғаныс және Сауд Арабиясының Қызыл Жарты Ай командалары, сондай-ақ, қауіпсіздік органдары апат туралы ақпарат алғаннан кейін оқиға орнына дереу жетіп, құтқару жұмыстарын бастады. Апаттан кейін жол қозғалысы бірнеше сағатқа жабылды. Қаза болғандардың, сондай-ақ, жаралылар аймақтың бірнеше ауруханаларына жеткізілді. Зардап шеккеннің көпшілігін күйік шалған.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек