Медициналық спирт пен сабынды қолданыңыз. Көлікті мұз қатудан қалай қорғауға болады?
![Медициналық спирт пен сабынды қолданыңыз. Көлікті мұз қатудан қалай қорғауға болады?](/userdata/news/news_98665/image_l.jpg)
Ауа-райының суық мезгілінде көлігі бар адамдарда проблема көбейе түседі. Мұндай кезде көліктің мұздап қалуымен таңертең күресуден көрі оның алдын алу әлдеқайда тиімді. Терезелерді, есіктерді, құлыптарды қатып қалудан қорғаудың қандай тәсілдері бар? Massaget.kz тілшісі біліп көрді.
- Шығыс бағытқа қаратып қою
Мүмкіндігінше көлігіңізді әрқашан шығысқа қаратып қойыңыз. Соның арқасында күннің алғашқы таңғы сәулелері алдыңғы әйнектегі мұзды баяу еріте бастайды.
- Медициналық спирт пен сабын
Таңертең мұзға шашып әйнекті жібітуге арналған сұйықтық жасаңыз. Бөтелкеге бір литр медициналық спирт, дистилденген су және 1 қасық ыдыс жууға арналған жуғыш затты құйыңыз. Жақсылап шайқаңыз. Сіз жай ғана араластырып, спирт пен суды бүріккіш бөтелкеге 2:1 қатынасында құйып аласыз (алкогольдің үштен екісі және судың үштен бірі).
- Құлыптарды мұзданудан қорғау
Ең дұрысы құлыпты қорғайтын арнайы спрейді қолдану. Мұздап қалу кезінде кілтті оттықпен қыздырып, құлыпты ашсаңыз болады.
- Есікті майлаңыз
Көлік есігінің айналасындағы резеңкеге май жағыңыз. Бұл глицерин, вазелин, жеуге жарамды өсімдік майы және т.б. болуы мүмкін. Келесі күні таңертең есікті еш қиындықсыз ашу үшін көліктен түскен бойда осы әрекетті жасаңыз.
- Банк картасын қолданыңыз
Егер сіздің терезелеріңіз қатып қалса және сізде спрей, ыстық су немесе қырғыш болмаса, банк картасын алып, мұзды сүртіңіз. Ол сәл баяуырақ түседі. Бірақ ақырында сіз көліктің алдындағы мұзды кетіріп, қауіптен құтылып жолға шыға аласыз.
- Терезе сүрткіштерге қаптама кигізу
Терезе сүрткіштер таңертең мұзды әйнекке жабысып қалмас үшін тазалағыштарыңызға ескі шұлықтарды кигізіңіз. Бұл өте тиімді тәсіл.
- Айналарды қорғау
Көлігіңіздің сыртқы және артқы айналарына полиэтилен пакеттерін қаптасаңыз қатып қалудың алдын алады. Сондай-ақ оларды резеңкемен орауға болады.
- Әйнекке картон қағазын қою
Бұл автомобиль әйнектерінің мұздануын болдырмаудың тамаша тәсілі. Картонның орнына ескі сүлгіні қоюға болады.
Мамандар мұздатылған шыныға ыстық су құймау керектігін ескертті. Өйткені ол жарылып кетуі мүмкін. Бұл жағдайда жылы суға малынған кәдімгі шүберек көмектеседі.
Қызықты жаңалықтар мен видеоларды көру үшін TikTok арнамызға жазылыңыз!
Ж. Зинешов