Қазақстандықтардың емхана мен аурухана қызметіне қатысты шағымы көбейген.
2026 жылдың алғашқы жартыжылдығында мамандар 14 364 өтінішті қараған. Бұл былтырдың осы кезеңімен салыстырғанда 44 пайызға көп. Осыған байланысты Қазақстанда науқастарды қолдау қызметінің жұмысын өзгерту жоспарланып отыр. Негізі, науқас қандай да бір мәселеге тап болғанда алдымен осы қызметке жүгініп, сол жерде мәселесіне шешім табуға тиіс.
Tengri Health тілшісі қандай өзгерістер ұсынылып отырғанын, қазақстандықтар көбіне неге шағымданатынын және құқығы бұзылды деп есептеген науқас қайда жүгінуі керегін анықтады, - деп хабарлайды Massaget.kz тілшісі.
Денсаулық сақтау министрлігі Медициналық және фармацевтикалық бақылау комитетінің мәліметінше, сарапшылар мынша өтініштер санын қараған:
Комитет 2026 жылдың алғашқы жартыжылдығына қатысты деректерді жариялады. Барлық өтініштің жартысына жуығы медициналық көмектің сапасы мен ұйымдастырылуына, сондай-ақ, дәрігерлердің әдеп нормаларын сақтауына қатысты болған.
Бұл жалпы көлемнің 35 пайызы. Бұл саладағы шағымдар саны былтырмен салыстырғанда 78 пайызға артқан. Айта кетерлігі, олардың 80 пайызға жуығы мемлекеттік емханаларға қатысты.
Бұл - барлық жағдайдың 28 пайызы, өсім 43 пайыз. Оның ішінде мемлекеттік ауруханалардың үлесі - 63 пайыз.
Біз кейінгі бірнеше жылдағы мәліметтерді сұрадық. 2021–2025 жылдар аралығында қазақстандықтар жазған шағымдардың 59 пайызы негізді және ішінара негізді деп танылған.
Осы кезеңде Медфармбақылау комитетінің өкілдері 162 миллион теңгеден аса сомаға 4 197 әкімшілік хаттама толтырды.
Егер сөз адам өміріне ауыр зардап әкелген заңбұзушылықтар (кісі өлімі, денсаулыққа ауыр зиян келтіру, еңбек қабілетінен біржолата айырылу) туралы болса, материалдар полицияға жолданады.
Жақында Денсаулық сақтау министрлігі бұйрық жобасын жариялады. Онда науқастарды қолдау және ішкі сараптама қызметінің жұмысындағы өзгерістер де қарастырылған - бұл кез келген медициналық ұйым ішіндегі адамдардың сұрақтары мен шағымдарына жауап беруге тиіс бөлімнің ресми атауы.
Медфармбақылау комитеті пациенттерді қолдау қызметінің жұмысын өзгертуге себеп болған мәселелерді атап өтті:
1. Қызмет функцияларының болмауы немесе қоса атқарылуы - кейбір клиникаларда бұл міндеттерді басқа бөлімшелердің қызметкерлері орындайды.
2. Жергілікті жерде мәселені реттеу деңгейінің төмендігі - қызмет жұмысының тиімсіздігінен мәселелер медициналық ұйымдардың өз ішінде шешілмейді. Сондықтан пациенттердің өтініштері Денсаулық сақтау министрлігіне, комитетке дейін жетеді және әлеуметтік желілерде жазылады.
3. Коммуникацияның жетпеуі - ресми жауап дайындау кезінде «алтын сағат» ережесінің сақталмауы, кері байланыспен жұмыс істейтін білікті мамандардың тапшылығы.
Республикалық АМСК орталығының Пациенттерді қолдау және ішкі сараптама қызметінің жетекшісі Салтанат Шәкірова қарастырылып жатқан бұйрық жобасындағы өзгерістердің басым бөлігі нақтылау сипатында екенін түсіндіреді.
Олар жүйені түбегейлі өзгертпейді, бірақ шағымдармен жұмыс істеудің кейбір тұстарын нақтылай түседі.
"Біз бұл бағыттағы жұмысты күшейтіп жатырмыз. Қазақстандықтардан түсетін шағымдардың азайғанын қалаймыз. Қазір адамдар өз наразылығын білдіретін арна өте көп, соның ішінде әлеуметтік желілер де бар. Пациенттермен өзара іс-қимыл жүйесін адамдар мемлекеттік органдарға, Facebook немесе Threads желілеріне жазуға мәжбүр болмайтындай етіп құру маңызды", - дейді Шакирова.
Медициналық және фармацевтикалық бақылау комитеті ұсыныстарды тізіп берді:
Салтанат Шакирова қазір кабинеттер бірінші қабатта орналаса бермейтінін - бұрын бұл ережеде нақты жазылмағанын түсіндірді.
"Тәжірибе көрсеткендей, қызметтің функцияларын нақтырақ анықтау, міндетті ішкі сараптамаға жататын жағдайлар тізбесін кеңейту, медициналық оқиғалар мен пациенттердің өтініштері бойынша талдау жұмысын күшейту, қызмет қызметінің тиімділігін бағалаудың біріңғай индикаторларын енгізу қажет", - деп түсіндірді спикер.
Бұл тұрғыда ештеңе түбегейлі өзгермейді: алгоритм негізгі принципті - көмек көрсетілген жер бойынша алғашқы жүгінуді сақтайды. Яғни, адам алдымен өзінде сұрақ туындаған сол клиникаға немесе ауруханаға жазуы немесе қоңырау шалуы керек.
Комитет өкілдерінің айтуынша, "шағымдарды қарау процесінің ашықтығы мен регламенттелуін айтарлықтай күшейту" жоспарда бар.
Сонымен, не істеу керек?
1. Науқастың немесе оның туыстарының құқықтары бұзылғанда, көмек көрсетуден бас тартқанда, емдеумен келіспегенде немесе жанжал туындағанда - науқасты қолдау қызметіне шағым жолдау қажет. Мұны осы бөлім орналасқан кабинетке жеке қабылдауға бару арқылы, сенім телефоны арқылы (нөмірлер көрнекі жерде ілінуі тиіс), Е-Otinish немесе медициналық ұйымның сайты арқылы жасауға болады.
2. Егер бірінші кезеңде мәселе шешілмесе, адам Медициналық және фармацевтикалық бақылау комитетінің аумақтық департаментіне, өңірдегі медициналық сақтандыру қорының филиалына немесе денсаулық сақтау басқармасына жүгінуге құқылы.
"Медициналық ұйымның науқасты қолдау қызметіне алғашқы болып жүгіну - бұл мәселені шешудің негізгі және ең жедел кезеңі", - деп атап өтті комитеттегілер.
Қолданыстағы Ішкі және сыртқы сараптамаларды ұйымдастыру және жүргізу қағидаларына сәйкес:
Комитеттегілер негізгі мақсаттардың бірі - жанжалдарды тікелей клиникада жедел шешу және шағымдар санын азайту екенін айтады.
Сапасыз көмекке тап болсаңыз немесе, айталық, сізге заң бойынша тиесілі қызметтер көрсетілмесе, не істеу керек?
1-қадам. Медициналық ұйымға алғашқы болып жүгіну
Алдымен әрбір медициналық ұйымда жұмыс істейтін науқасты қолдау және ішкі сараптама қызметіне хабарласу қажет немесе сенім телефонына/жедел желіге қоңырау шалу керек. Бұл нөмірлер кез келген ауруханада немесе емханада болуға тиіс.
Қандай құжаттар өткізу керек:
2-қадам. Өтінішті науқасты қолдау қызметінің қарауы
Тағы да ескертеміз: заң бойынша өтініш 15 жұмыс күніне дейін, ал шағым 20 жұмыс күніне дейін қаралуы мүмкін.
Осы уақыт ішінде қызмет ішкі сараптама жүргізеді және қажет болған жағдайда бейінді мамандар мен тәуелсіз сарапшыларды тартады.
3-қадам. Шешім қабылдау
Тексерушілердің қандай қорытынды жасағаны және жағдайды түзету немесе кінәлілерді жазалау үшін қандай шаралар қабылданғаны туралы адамға міндетті түрде хабарлануға тиіс.
Әзірге өзгерістер талқылау сатысында, бірақ өтініштер мен шағымдарға қатысты ережелер қазірдің өзінде қолданыста. Сондықтан оларды пайдалануға болады.
Instagram парақшамызға жазылып, ең қызықты ақпараттарды бірінші болып оқыңыз!