"Медеу" мұз айдыны биыл қашан ашылады?
!["Медеу" мұз айдыны биыл қашан ашылады?](/userdata/news/news_94585/image_l.jpg)
"Медеу" биік таулы мұз айдынында жаңа маусымның ашылуы 15 қарашада өтеді, - деп хабарлайды Massaget.kz тілшісі қалалық әкімдікке сілтеме жасап.
Алматы қаласының тұрғындары мен қонақтары үшін Медеу биік таулы мұз айдынында жаппай сырғанау 15 қарашада сағат 10:00-ден бастап қолжетімді, ал маусымның салтанатты ашылу рәсімі сағат 13:30-да өтеді.
Мұз айдынының ашылу бағдарламасында коньки тебушілердің мұздағы перфоманстары, жүлделер ұтыс ойыны, флэшмоб, әртістердің қойылымдары, сондай-ақ кешеннің ең белсенді қонақтарына арналған сыйлықтар бар.
Қазіргі уақытта нысанда дайындық жұмыстары аяқталды, мұз жасау процесі белсенді жүргізіліп жатыр.
Медеу - Алматы қаласының маңына орналасқан, теңіз деңгейінен 1691 метр биіктікте әрі еліміздің ең басты мұз айдыны болып табылады.
Қызықты жаңалықтар мен видеоларды көру үшін TikTok арнамызға жазылыңыз!
С. Сатыбалдина