Маусым айында қай өңірлерде құрғақшылық болады?

Синоптиктер маусым айында қай өңірлерде құрғақшылық болатынын айтты, - деп хабарлайды Massaget.kz тілшісі.

Мына аймақтарда атмосфералық құрғақшылық болуы мүмкін:

• Қостанай облысының Амангелді және Жангелді аудандарында;
• Маңғыстау облысының Маңғыстау және Қарақия аудандарында;
• Батыс Қазақстан облысының Казталов, Жәнібек, Тасқала және Ақжайық аудандарында;
• Ақтөбе облысының Қарғалы және Мұғалжар аудандарында;
• Қарағанды облысының Шет ауданында;
• Ұлытау облысының Ұлытау ауданында;
• Абай облысының Аягөз және Үржар аудандарында,
• Жамбыл облысының Мойынқұм ауданында;
• Қызылорда облысының Қармақшы және Қазалы аудандарында.

Маусымда бірқалыпты ылғалды жағдай Шығыс Қазақстан облысының Қатонқарағай және Күршім аудандарында, Абай облысының Бесқарағай ауданында, Алматы облысының Талғар ауданында, Қарағанды облысының Бұқар-Жырау, Осакаров аудандарында және Қарағанды қаласында, сондай-ақ Павлодар мен Ақмола облыстарының басым бөлігінде күтіледі.

Елдің қалған бөлігінде ылғалдандыру жағдайлары осы ай үшін нормаға жуық болады деп күтіліп отыр. 

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!