Мәскеудегі теракт: лаңкестерге пәтер берген кәсіпкер ұсталды
![Мәскеудегі теракт: лаңкестерге пәтер берген кәсіпкер ұсталды](/userdata/news/news_103914/image_l.jpg)
"Крокус Сити Холда" болған терактке қатысты сегізінші айыпталушы Мәскеудің Басман сотына жеткізілді. Ол - Красногорск қаласының кәсіпкері Әлішер Қасымов. Қасымов террористерге пәтер жалдаған, - деп хабарлайды Massaget.kz тілшісі ресейлік Telegram-арналарға сілтеме жасап.
32 жастағы кәсіпкер Әлішер Қасымов - "Крокустағы" террористік акті бойынша сегізінші күдікті. Ол да 22 мамырға дейін қамауға алынды.
"Қасымов - Ресей Федерациясының азаматы, Қырғызстаннан келген. Үйленген, үш баласы бар, Путилковта шайханасы бар", - деп жазылған арна мәліметінде.
Ол Красногорскідегі пәтеріне кімді кіргізгенін білмегенін айтты. Кәсіпкердің сөзінше, жылжымайтын мүлік ипотекамен алынған, ал тұрғындарды интернеттен тапқан. Сондай-ақ, кәсіпкер бастапқыда пәтерін славяндарға тапсырғысы келгенін, бірақ Фаридуни Шамсиддин уақытында төлеуге уәде еткеннен кейін бергенін жеткізген.
Еске салайық, 23 наурызға қараған түні ресейлік Telegram-арналар мен БАҚ-та Мәскеуде теракт болғаны туралы ақпарат тарады.
Кейінгі мәліметтер бойынша оқиға салдарынан 133 адам қаза тауып, 140 адам жараланған.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова