"Мәселе шешілген жоқ". Семейдегі наразы тұрғындар Президентке үндеу жасады
!["Мәселе шешілген жоқ". Семейдегі наразы тұрғындар Президентке үндеу жасады](/userdata/news/news_92464/image_l.jpg)
Семей тұрғындары президент Қасым-Жомарт Тоқаев пен Абай облысының әкімі Нұрлан Ұранхаевқа видео үндеу жасады, - деп хабарлайды Massaget.kz тілшісі.
Жергілікті тұрғындардың айтуынша, өткен жылы әкімдік оларға ең бірінші жолдардың жай-күйін шешуге уәде берген. Алайда жолдар жасалғанмен әлі де қорқынышты күйде, сумен жабдықтау мәселесі мүлде шешілмеген. Тұрғындар тұрғылықты жердің суы қақ түзеді және тұтынуға жарамсыз дейді. Суды қаладан тасып ішуге барлық тұрғындардың жағдайы келмейді. Ал толассыз жауған жаңбырдан кейін, балшық лайды басып өтетін балалардың мектепке жетуі қиындаған.
"Негізгі проблемалардың бірі - жолдардың жағдайы. Біздің балаларымыз мектепке батпақпен жүріп баруы қатты қиындық тудырып отыр. Бір айға жуық уақыт бойы жол осындай қорқынышты күйде", - деді кент тұрғыны Саят Оразбаев.
Сонымен қатар, ауылдың көшелері қоқысқа толы.
"Бізге қоқыс шығару техникасын бөлсе, бәрін өзіміз төлеуге дайынбыз. Аптасына бір рет қоқыс шығарып отырамыз. Назар аударатын тағы бір мәселе - көше атауларының болмауы, нәтижесінде жедел жәрдем қажетті мекен-жайды таба алмай қиындықтар орын алды. Жедел жәрдемді үйден 500-600 метр қашықтықтан күтіп аламыз, ал жалғызбасты адамдар үшін бұл өте қиын", - дейді ауыл тұрғындары.
Шығыс кенті тұрғындары ХХІ ғасырға қазіргі өмір сүру деңгейлері сәйкес келмейтінін атап өтті. Олар биліктегілердің олардың өтініштеріне назар аударады және осы мәселелерді шешу үшін қажетті шараларды қабылдайды деп үміттенеді.
Аптаның басты оқиғалары мен пайдалы видеоларды көру үшін YouTube арнамызға жазылыңыз
А. Жайыққызы