Марат Сұлтанғазиев лауазымынан босатылды, - деп хабарлайды Massaget.kz тілшісі.
"Мемлекет басшысының жарлығымен Марат Елеусізұлы Сұлтанғазиев Алматы облысының әкімі лауазымынан босатылды", - деп жазылған хабарламада.
Марат Сұлтанғазиев туралы не белгілі?
Ол 1976 жылы Алматы облысында дүниеге келген. Абай атындағы Алматы мемлекеттік университетін, Қазақ мемлекеттік заң академиясын, Т.Рысқұлов атындағы Қазақ экономикалық университетін тәмамдаған. Мамандығы - экономист-қаржыгер, заңгер, іскерлік әкімшілендіру магистрі.
Бұған дейін мынадай қызметтер атқарған:
1997-1999 жылдары - Алматы қаласы Әуезов ауданы бойынша Салық комитетінің салық аудиті бөлімінің салық инспекторы.
1999-2001 жылдары - Алматы қаласы бойынша Салық комитеті әкімшілендіру басқармасының үйлестіру бөлімінің салық инспекторы, заңды тұлғалар аудиті бөлімінің жетекші, бас салық инспекторы.
2001-2006 жылдары - Алматы қаласы Бостандық ауданы бойынша Салық комитетінің аудит бөлімінің бастығы.
2006-2008 жылдары - салық апелляциялары, түсіндірулер және құқықтық қамтамасыз ету басқармасының бастығы, Алматы қаласы бойынша Салық комитеті салық аудиті басқармасының бастығы.
2008-2010 жылдары - Алматы қаласы бойынша Салық департаменті бастығының орынбасары.
2010-2012 жылдары - Қаржы министрлігінің Салық және кеден заңнамасы мәселелерін үйлестіру, кірістерді талдау және болжау департаменті директоры.
2012-2014 жылдары - Президент әкімшілігінің Әлеуметтік-экономикалық мониторинг бөлімінің сектор меңгерушісі.
2014-2018 жылдары - Қаржы министрлігі Мемлекеттік кірістер комитетінің Алматы қаласы бойынша Мемлекеттік кірістер департаментінің басшысы.
2018-2021 жылдары - Қаржы министрлігі Мемлекеттік кірістер комитетінің төрағасы.
2021-2022 жылдары - қаржы вице-министрі.
2022 жылы - қаржы бірінші вице-министрі.
2022 жылғы маусымнан бастап Алматы облысының әкімі болды.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова