ҰҚК Шекара қызметі ақшаны елден заңсыз алып шығуға жол бермеу бағытында тұрақты түрде жұмыс жүргізіп жатыр, - деп хабарлайды Massaget.kz тілшісі.
1-10 тамыз аралығында өткізу бекеттерінде осындай 70 әрекет анықталып, жалпы сомасы 645 млн теңгеден аса декларацияланбаған валюта анықталған.
Сурет: ҰҚК баспасөз қызметі
"Осындай жағдайлардың бірінде Жамбыл облысындағы Қордай көлік өткізу бекетінде шекара бақылауы барысында шетел азаматының киімінің астына жасырылған 70 000 АҚШ доллары (32 550 000 теңге) анықталды", - деп жазылған хабарламада.
Материалдар процесcуалдық шешім қабылдау үшін құзыретті органға берілген.
ҰҚК Шекара қызметі Қазақстан заңнамасында белгіленген сомадан (10 мың АҚШ долларынан аспайтын) жоғары қолма-қол ақшаны ел аумағынан тыс жерге алып шығуға тыйым салынатынын еске салды.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова