Алматыда сауда орталығындағы өрт сөндірілді

Фото: ҚР ТЖМ

02 қаңтар 2025, 18:11

Төтенше жағдай министрлігі Алматы қаласындағы "Москва" сауда орталығындағы өртті сөндірді, - деп хабарлайды Massaget.kz тілшісі.

"Өрт 10 шаршы метр алаңда сөндірілді. Сору құбырында май қалдықтары жанып, кейіннен от шатырдың қаптамасына тараған", - деп жазды министрлік.

Оқиға салдарынан зардап шеккендер болмады. Өрттің шығу себебі әлі де анықталып жатыр.

Еске салайық, бұған дейін Әуезов ауданындағы "Москва" сауда орталығында өрт шыққанын жазған едік.