Түркістан облысында полицейлер жолда қалған 60 көлікке көмек көрсетті

Түркістан облысында полиция боранды күні таулы аумақта жолда қалған 60 көлікке көмек көрсетті, - деп хабарлайды Massaget.kz тілшісі Қазақстан Республикасы ІІМ ресми ақпаратына сілтеме жасап. 

"Созақ ауданы Екпінді-Бірлік тасжолында жол жиегіне шығып кеткен DAF маркалы ауыр жүк көліктерін полиция қызметкерлері қауіпсіз орынға шығаруға көмектесті. Түркістан облысының полициясы жалпы 23 жеңіл көлік пен 37 жүк көлігіне көмектесті", - делінген хабарламада. 

Сондай-ақ сақшылар ұзақ жолдан келе жатқан ауыр жүк көліктерінің жүргізушілеріне ыстық шай мен тағам жеткізіп берген.

Азаматтар көмек көрсеткен полиция қызметкерлеріне шынайы алғыстарын білдірді.

Еске салайық, бұған дейін қолайсыз ауа райына байланысты шығыста бірнеше тасжол учаскелері жабылып қалғанын хабарлаған болатынбыз. 

Instagram парақшамызға жазылып, ең қызықты ақпараттарды бірінші болып оқыңыз!